Gudbergsstofa 940x250 013

Pútínisminn

Pútínisminn

Um hvað hugsar þú á þessum morgni?

Pútín: Það sem einkennir pútínismann.

Hver er stefnan?

Pútín: Ekki að segja ósegjanlegan sannleikann, ekki sýna gagnrýna hugsun, hún er bara viss matvendni, heldur þora að sjá með eigin augum það sem blasir við sjóninni.

Nefndu dæmi.

Pútín: Starfandi femínisti kemur á skrifstofu seðlabankastjóra, sér þar á vegg kvenfyrirlitlegt málverk eftir Gunnlaug Blöndal og truflast svo í talnafræði að Már Guðmundsson fer undirgefinn 2018 12 01 202506 4með málverkið  niður í kjallara til að koma femínistanum á kjölinn í reikningi.

Hefði ekki verið burðarminna að fjarlægja manneskjuna í starfi?

Pútín: Þá hefði allt orðið kolvitlaust hjá konunni í Jafnréttisráði.

Mikil er hún Gudda! hefði verið sagt í Grindavík.

Pútín: Mikill er samtíminn, að geta látið seðlabankastjóra í Reykjavík og rektor Menntaskólans á Ísafirði burðast með óæskileg málverk ofan í kjallara til að róa Guddu.

Hefði ekki verið nær að vísa henni á dyr fyrir að geta ekki fest hugann við verkefnin í staðinn fyrir að rápa með hneykslunarhelluna að málverkum?

Pútín: Ekki fyrst forsætisráðherrann, Katrín Jakobsdóttir, blandaði sér  í málið með því að ekki mætti láta fólki líða illa á vinnustað.

Gott hjá gáfukonunni. En hvað ef femínisti kæmist á Alþingi og segði: Hér er málverk sem truflar og ruglar mig við nefndarstörf?

Pútín: Katrín kæmi af fjöllum og spyrði: Hvaða?

Málverkið af Jóni Sigurðssyni, svaraði femínistinn.

Allur Þingheimur færi þá að æpa, ekki bara Píratar, og apa eftir Jóni: „Vér mótmælum allir!“ og vilja reka femínistann á dyr. En femínisti lætur sig ekki fremur en skátinn: Eitt sinn skáti alltaf skáti.

Hvað gerðist þá?

Pútín: Femínistinn segði að Jón Sigurðsson hafi sýnt kvenfyrirlitningu og femínískt réttlæti næði aftur í tímann: Út með málverkið!

Nú yrðu jafnvel alþingiskonur meira en lítið gáttaðar og heimtuðu greinargóða skýringu.

Og hverju svarar femínistinn?

Pútín: Karlrembusvínið lét heitmey sína, sitja svo lengi í festum, fjötrum á konum samtímans, að hann leysti þá ekki af Ingibjörgu fyrr en með öðrum, vonlausu hjónabandi af því hún var komin úr barneign, orðin buguð herfa, eftir myndinni að dæma.

Af hverju hefur enginn séð kvenfyrirlitlega fjötra Jóns forsetans fyrr en þú?

Pútín: Þjóðir og hetjur kynjanna vilja ekki sjá það sem liggur í augum uppi heldur leita leiða blindu til að líta fram hjá sjóninni.

En Jón Sigurðsson fór fram með mikilli prýði og framsýni í fjárkláðamálinu.

Pútín: Honum var fremur annt um að leysa kláðann af rollum en festar af Ingibjörgu.

Hver ætti að fjarlægja málverkið af Jóni og færa í kjallara Alþingis; Steingrím J?

Pútín: Betri yrðu þjóðþekkt skáld og nú háttvirtir alþingismenn í þeirri samfylkingu á vegum Guddu, Guðmundur Andri  og Einar Kárason sem gæti verið handlangari.

Pútín & Heimsmálin

2018 12 01 202344 4Pútín & Heimsmálin

Um hvað hugsar þú í dag, Pútín minn?

Pútín: Hvað Reykjavík er einstæð borg.

Ekki segja það sem allur heimur veit.

Pútín: Ég veit meira en hann og almenningur.

Hvað er það, Pútín heimspekingur?

Pútín: Að Þjóðverjar jöfnuðu bænahús gyðinga við jörð. Sovétmenn breyttu kirkjum í hlöður, lýðveldissinnar á Spáni kveiktu í þeim, en Reykvíkingar reisa lúxushótel í elsta grafreit borgarinnar. Bílarnir verða þar í sömu stæðum í kjallaranum og kisturnar áður.

Hér fer saman þjóðleg auðhyggja og andagift.

Og algert "Must" í fagurfræði og siðfræði!

Pútín - Hugsun dagsins

fullsizeoutput 6a14 02 copy2Heimspekilegar samræður við Pútín

Hugsun dagsins

Um hvað er heimspekingurinn að hugsa í dag?

Pútín: Um tilraun landa míns, Pavlofs, með hunda í tengslum við græðgi .

Segðu.

Pútín: Pavlof sendi alltaf sama hljóð og gaf síðan hundum mat. Þeir runnu alltaf  á það froðufellandi en hunsuðu önnur enda seðja ekki öll hljóð græðgi.

Hvaða lærdóm má draga af þessu?

Pútín: Hundar renna froðufellandi á sama hljóðið. Eins er með mennina.

Er þá svipað eðlið í hundum og mönnum?

Pútín: Já, hvað græðgina varðar og von um æti. Ég gerði frekari tilraun og spurði: Er munur á hundum og tíkum hvað varðar froðu og græðgi.

Eflaust eru tíkurnar skárri?

Pútín: Hér er enginn kynjamunur. Græðgin og froðan sú sama.

Eru til sýni í samtímanum hér?

Pútín: Ótal.

Nefndu eitt bitastætt.

Pútín: Ef heyrist sama hljóð um Jón Baldvin Hannibalsson rjúka óðar fram froðufellandi gráðugir femínistar í von um fréttaæti í fjölmiðlunum.

Guðbergur Bergsson

Jólakötturinn vaknar af sumardvala

Jólakötturinn vaknar af sumardvala og segir:

Þegar ég hlusta á umhverfis- og auðlindaráðherrann og fæ í eyrun flaum af tungu hans þá dettur mér þrennt í hug og eitt P.S:
2016 01 17 04.54.36 03

  1. Á að setja Norðmenn á hausinn með bensín- og olíubanni á bílaflotann?
  2. Er vinaþjóðin tilbúin að fremja sjálfsmorð á olíuborpöllum og velja íslenska loftkastala?
  3. Fáum við ekki innan skamms að fljúga til Florída í vélum WOW og Icelanadair heldur á baki vindhana?


P.S

Hvað varð um metangasið sem átti að bjarga okkur frá mengun? Var það svipað því sem amma kallaði „Vindinn úr henni Veigu“ en nú mætti kalla  „Valgerðarprump“ Framsóknar?

Guðbergur Bergsson

Fegurð einmanaleikans

Stundum skapa íslensk yfirvöld stjórnmálaleg listaverk sem eru í eðli sínu snilld vegna þess að þau eru tákn sem fela í sér einfaldleika jafn einfaldan og sáran og harmleikur. Einn slíkur var haldinn á Þingvallapalli þar sem valdamenn landsins sátu saman á stólum andspænis fegurð náttúrunnar til að minnast hundrað ára sjálfstæðis. Aðrir, sem komust ekki á athöfnina, gátu horft á hana í sjónvarpinu og fengið  hugljómun. Næstum enginn alþýða mætti á Gleðigöngu sjálfstæðisins enda var þar enginn hommi að mera sig, eins og það hét þegar samkynhneigðir voru kallaðir kynvillingar og taldir vera hættulegir þjóðinni. Á skjánum núna sáust ráðamennirnir ganga í afar ruglingslegu ef ekki útúrborulegu liði milli hárra hamra hins helga staðar. Allt í einu snarstansaði liðið þegar fyrrum forsetafrú rauf gönguna með því að hlaupa flott í tauinu á háhæluðum skóm úr á kafagrasið og skakklappast að sitjandi konu á þúfu með nokkra hunda sem dingluðu skottinu vinalega við að sjá hefðargönguna. Athöfnin bar upp á dag íslenska fjárhundsins. Frúin gerði sér lítið fyrir, hrifsaði glaðlegan smalahund og rauk aftur að fylkingunni sem hélt strax af stað að pallinum undir leiðsögn seppa eins og fylkingin væri viss tegund af sauðfénaði. Þá hófust á pallinum svipaðar ræður og venjulega en þarna var enginn lestur ljóða eftir þjóðskáld og hvorki rokksöngur né rapp. Allt einkenndist af jarmi stjórnmála. Ekki bólaði á fjölbreytni þótt Ísland sé að vissu leyti til á tveimur stöðum öðrum en sínum eigin, landfræðilega séð. Annars vegar er það til á meðal Vestur-Íslendinga og hins vegar í Danmörku. Landið var á ýmsan hátt vagga menningar okkar undir danskri stjórn. Ekki sást fulltrúi fyrir Vestur-Íslendinga en aftur á móti Dana sem hefur valdið fjarafoki hjá þeim sem vita ekki, þrátt fyrir visku sína, að andstæðar hugmyndir auðga menn og þjóðir. Undir fjaðrafokinu hefur dulist gaggandi hænan sem heldur að ef fjaðrir hennar fjúka hátt fellur goggur og stélið ekki lágt. En á pallinum hefðu mátt auka tengslin á milli Íslands og ytri tauga þess í útlöndum. Við munum aldrei losna við fortíðina enda óhollt þjóðum að reyna að fela eða afskrifa hana með ópum. Í löndum samtímana er það stundum reynt. Hér með því að minnka dönskukennslu í skólum í staðinn fyrir að auka og grafa í sameiginlegar námur landanna. Með því hefði pallurinn borið ljóma inn í framtíðina en ekki bara verið eitthvað dæmigert íslenskt á lausum stólum andspænis dýrð og einsemd náttúrunnar.

Guðbergur Bergsson

Styrktaraðilar

EFTIRTALDIR AÐILAR KOMU AÐ UNDIRBÚNINGI OG STOFNUN GUÐBERGSSTOFU EÐA STYRKTU VERKEFNIÐ MEÐ EINUM EÐA ÖÐRUM HÆTTI:

Logo web 01 transparent-bgr2   Logo web 01 transparent-bgr   Logo web 01 transparent-bgr4   ARTPRO Logo 260x100   Logo web 01 transparent-bgr3